Ақтөбеде қайғылы жағдайға байланысты Республика күніне арналған мерекелік концерт пен отшашу болмайды, деп хабарлайды облыс әкімдігіне сілтеме жасаған KAZ.NUR.KZ.
"Құрметті қала тұрғындары мен қонақтары! 25 қазан күні сағат 19:00-де "Қазақ халқына мың алғыс" алаңында өтуі жоспарланған гала-концерт пен отшашу өңірде болған жағдайға байланысты өтпейтіндігін хабарлаймыз", — делінген хабарламада.
Естеріңізге сала кетейік, 23 қазан күні сағат 08:40-та республикалық маңызы бар "Самара – Шымкент" автожолының 927-шақырымында, Белқопа ауылының маңында жантүршігерлік жол апаты болды.
"DAF" жүк көлігі қарсы бағытта келе жатқан "Газель" жолаушылар көлігімен соқтығысып, жол апаты салдарынан екі автокөліктің жүргізушілері мен Ақтөбе облысының он тұрғыны (оның ішінде кәмелет жасына толмаған екі бала) оқиға орнында қаза тапты.
Жол-көлік оқиғасына қатысты қылмыстық іс қозғалды. Оқиғаның мән-жайын анықтау және тергеу жүргізу үшін өңірге ІІМ орталық аппаратынан арнайы топ жіберілді.
Сондай-ақ жол-көлік оқиғасының себептерін тергеу жөнінде үкіметтік комиссия құрылды.
Мәтіннен қате тапсаңыз, бізге жазыңыз
