Ақтөбеде жол-көлік оқиғасына байланысты жабылған жол бөлігінде көлік қозғалысы қайта жанданды. Жол үш сағатқа уақытша жабылған еді. Қазір жеңіл көліктердің жүруіне рұқсат берілді, деп хабарлайды KAZ.NUR.KZ ҚазАвтоЖол компаниясына сілтеме жасап.
"ҚазАвтоЖол" ҰК таратқан мәліметке сүйенсек, Хромтау мен Қарабұтақ арасында жеңіл көліктер жүре бастады.
"Жол сағат 12:30-да ашылды. Республикалық маңызы бар "РФ шекарасы — Мәртөк — Ақтөбе — Қарабұтақ — Қызылорда — Шымкент — Тараз — Қордай — Алматы — Қорғас — ҚХР шекарасы» автожолының 844-965 шақырым аралығындағы (Хромтау қаласы мен Қарабұтақ ауылы арасы-ред.) учаскесінде жеңіл көліктер үшін қозғалыс ашылды. 1403 байланыс орталығына хабарласып, тәулік бойы қосымша ақпарат алуға болады", — дейді "ҚазАвтоЖол" ҰК өкілдері.
Еске сала кетейік, бұған дейін Ақтөбеде екі көлік соқтығысып, 12 адам қаза тапқанын хабарлағанбыз. Жол апатынан аман қалған үш адамның жағдайы ауыр, екеуінің жағдайы орташа.
Сондай-ақ ІІМ Ақтөбе облысындағы жол-көлік оқиғасын тергеу үшін арнайы топ жіберді.
Мәтіннен қате тапсаңыз, бізге жазыңыз
