СҚО-да дәрігерлер жөндеу жұмыстары кезінде мойнынан жарақат алған ер адамға көмек көрсетті. Бұл туралы Петропавл қалалық көп бейінді ауруханасына сілтеме жасаған KAZ.NUR.KZ хабарлайды.
Ведомствоның мәліметінше, ауруханаға құлақ тұсынан жарақат алған 51 жастағы ер адам жүгінген.
Белгілі болғандай, ол жөндеу жұмыстары кезінде шеге қағуға арналған пневматикалық пистолеттен жарақат алған.
Рентген-зерттеуден кейін шегенің мойын омыртқадан өткені анықталған.
"Ер адамның көрер жарығы бар екен, өміріне маңызды органдары зақым келмеген", — делінген хабарламада.
Жақсүйек-бет хирургтары шегені алып, жарақатты өңдеп, тіккен кейін, пациентке кеңес беріп, үйіне жіберген.
Дәрігерлердің айтуынша, мойын тұсынан жарақат алу өте қауіпті – мойын арқылы үлкен тамырлар, жүйке жүйесі, тыныс алу жолдары және жұлын өтеді. Тіпті кішкене ғана зақым алудың салдары ауыр болуы мүмкін.
Осы орайда мамандар құрал-саймандармен жұмыс істегенде мына кеңестерді ұсынады:
- Қауіпсіздік техникасын сақтаңыз.
- Қорғаныс құралдарын қолдаңыз.
- Бөгде заттарды өзіңіз алуға тырыспаңыз.
- Жарақат алғанда дереу медициналық көмекке жүгініңіз.
Посмотреть эту публикацию в Instagram
Публикация от Көп бейінді қалалық ауруханасы, СҚО (@kbka.sqo)
Мәтіннен қате тапсаңыз, бізге жазыңыз
