Қазақстан Президентінің шақыруымен Астанаға Финляндия Президенті ресми сапармен келеді, деп хабарлайды Zakon.kz.
2025 жылдың 22 қазанында Ақорданың баспасөз қызметі таратқан ақпаратқа сай, 28-29 қазан күндері Қазақстан Президентінің шақыруымен Астанаға Финляндия Президенті Александр Стубб ресми сапармен келеді.
Сапар аясында мемлекеттер басшылары келіссөз жүргізіп, екіжақты ынтымақтастықты дамыту перспективасын, сондай-ақ жаһандық және өңірлік күн тәртібіндегі мәселелерді талқылайды.