"Қазгидромет" РМК 22 қазанға арналған ауа райы болжамын ұсынды. Еліміздің 14 өңірінде күн райының бұзылуына орай ескерту жарияланды, деп хабарлайды KAZ.NUR.KZ.
Ақтөбе облысында оңтүстігінде, шығысында жоғары өрт қаупі, облыстың батысында, солтүстік-шығысында, орталығында төтенше өрт қаупі сақталады.
Қызылорда облысында төтенше өрт қаупі, облыстың солтүстігінде, орталығында жоғары өрт қаупі сақталады.
Қостанай облысының солтүстігінде, шығысында тұман түседі. Шығыстан жел соғады, күндіз облыстың оңтүстігінде екпіні 15 м/с-қа жетеді. Облыстың оңтүстігінде төтенше өрт қаупі, облыстың оңтүстік-батысында жоғары өрт қаупі сақталады.
Жетісу облысында оңтүстік-шығыстан жел күтіледі, Алакөл көлдері ауданында екпіні 15-20 м/с-қа, кей уақыттарда 25 м/с-қа жетеді. Түнде облыстың солтүстігінде, орталығында 1-3 градус үсік жүреді.
Павлодар облысының батысында, солтүстігінде, шығысында тұман түседі.
Солтүстік Қазақстан облысының солтүстігнде, шығысында, оңтүстігінде тұман болады.
Ақмола облысының солтүстігінде, шығысында тұман түседі. Облыстың оңтүстік-батысында жоғары өрт қаупі сақталады.
Маңғыстау облысында жоғары өрт қаупі сақталады.
Атырау облысында солтүстігінде, шығысында, орталығында тұман түседі. Облыстың солтүстігінде, оңтүстігінде, шығысында төтенше өрт қаупі, облыстың солтүстік-шығысында, оңтүстік-шығысында жоғары өрт қаупі сақталады.
Жамбыл облысының таулы аудандарында тұман түседі. Солтүстік-шығыстан жел соғады, облыстың солтүстік-шығысында, таулы аудандарында 15-20 м/с-қа жетеді. Облыстың батысында, солтүстігінде төтенше өрт қаупі, облыстың орталығында жоғары өрт қаупі сақталады.
Батыс Қазақстан облысының солтүстік-шығысында кей уақыттарда қатты жаңбыр болады. Түнде және таңертең облыстың батысында, солтүстігінде тұман түседі. Жел оңтүстік-шығыстан соғады, түнде облыстың шығысында, оңтүстігінде екпіні 15-20 м/с-қа жетеді. Облыстың оңтүстігінде төтенше өрт қаупі сақталады.
Абай облысының солтүстігінде тұман түседі. Облыстың оңтүстігінде жоғары өрт қаупі сақталады.
Қарағанды облысында шығыстан жел соғады, облыстың шығысында, оңтүстігінде екпіні 15-20 м/с-қа жетеді.
Ұлытау облысында жоғары өрт қаупі, облыстың оңтүстігінде төтенше өрт қаупі сақталады.
Мәтіннен қате тапсаңыз, бізге жазыңыз
