Қазақстан бокс федерациясы Семейде өтіп жатқан ел біріншілігінің финалистер тізімін жариялады, деп жазады Egemen.kz.
Шешуші жекпе-жекте шаршы алаңға көтерілетін былғары қолғап шеберлері:
50 келіде Бекзат Алдамжаров (Ақтөбе обл) — Даниал Сәбит (БҚО). 2024 жылғы Қазақстан чемпионатының финалында Даниал Сәбит басым түскен.
55 келіде Нұрсұлтан Алтынбек (Қызылорда обл.) — Сәкен Бибосынов (Түркістан обл.). 2024 жылы Қарақозы Әбдәлиевті еске алуға арналған халықаралық турнирдің финалында Сәкен шығудан бас тартқан болатын.
60 келіде Жексен Бейбарыс (Жамбыл обл.) — Серік Теміржанов (Павлодар обл.). 2024 жылы Қарақозы Әбдәлиевті еске алуға арналған халықаралық турнирдің финалында екеуі қолғап түйістіріп, Бейбарыс басым түскен. Ал 2020 жылы Қазақстан чемпионатының 1/4 финалында Серік жеңіске жеткен.
65 келіде Ертуған Зейнуллинов (Алматы обл.) — Санатәлі Төлтаев (Маңғыстау обл.). 2021 жылы Шоқыр Бөлтекұлын еске алуға арналған турнирде Санатәлінің қолы көтерілген.
70 келіде Абылайхан Жүсіпов (Қарағанды обл) — Фарух Тоқтасынов (Алматы қаласы). 2025 жылы Болгарияда «Странджа» және 2024 жылы Қарақозы Әбдәлиевті еске алуға арналған халықаралық турнирдің финалында Абылайхан Фарухтан басым түскен.
75 келіде Сабыржан Аққалықов (БҚО) — Тимур Нұрсейітов (Астана қаласы). 2025 жылы Болгарияда «Странджа» турнирінің финалында Тимур жекпе-жекке шығудан бас тартқан еді.
80 келіде Ерасыл Жақпеков (Абай обл) — Диас Молжігітов (Жамбыл обл.) Екі боксшы бұған дейін өзара кездеспеген.
85 келіде Дәулет Төлемісов (Ақтөбе обл) — Сұлтанбек Айбарұлы (Алматы қаласы) Қос боксышының жарыстағы жолы бұған дейін түйіспеген.
90 келіде Сағындық Тоғамбай (Түркістан обл.) — Нурмагамед Юсупов (Қарағанды обл) Сағындық 2023 жылы 2 рет Нурмагамедтен басым түскен.
+90 келіде Нұрлан Сапарбай (Түркістан обл)- Аслан Еділбайұлы (Қызылорда обл). Қос боксшы бұған дейін өзара кездеспеген.
