Облыс әкімі Асхат Шахаров тапсырма берді.
Есболатовтар отбасындағы 5 баланы баспанамен қамту мәселесін Ақтөбе қаласы әкімдігі шешеді, деп хабарлайды inbusiness.kz сайты.
Ақтөбе әкімдігінде балалар қауіпсіздігі, арнайы мекемелердің жауапкершілігі мәселесі қаралды.
– Бес баланың тағдыры. Мәселені өздері жеткізіп отыр. Бес баланы орналастыру керек. Қалған мәселелерді біз қолға аламыз, одан бас тартпаймыз. Біз үшін ең маңыздысы — бес баланың болашағы. Егер заң бұзушылық болса, жауапқа тартылады. Балалардың тағдыры тікелей бақылауымда болады, – деді Ақтөбе облысының әкімі Асхат Шахаров.
Облыс әкімінің баспасөз қызметі Ақтөбе қаласының әкімдігі бес балалы отбасыны баспанамен қамтамасыз ету мәселесін шешуі тиіс екенін хабарлады.
Еске салсақ, Есболовтар отбасындағы 5 бала қазір өздерін қолдаған еріктінің үйінде тұрады. Ал анасы Жұлдыз Тлеуф өзінің жүйке ауруына шалдықпағанын растау үшін Алматыдағы емдеу орталығында тексеріліп жүр.
