Сот арқылы адамдарды саяси қуғын-сүргін құрбандары деп тану тәжірибесі тоқтатылды. Бұл шешім тәуелділік төлемдерінің жолын кесу мақсатында қабылданған, деп хабарлайды KAZ.NUR.KZ Астана қалалық прокуратурасына сілтеме жасап.
Атап айтқанда, биыл 5 азамат сотта өздерін саяси қуғын-сүргін құрбандары ретінде тануды сұрап сотқа жүгінген.
Қалалық сот пен прокурорлар істерді, мұрағаттық құжаттарды зерделеп, аталған тұлғалардың бұл санатқа қатыстылығы жоқ екенін анықтады.
Тиісінше, сот елорда прокуратурасының өтініші бойынша оларды саяси қуғын-сүргін құрбаны деп танудан бас тартты.
Айта кетейік, Қазақстан Республикасы Конституциялық Сотының ресми сайтындағы мәлімет бойынша, 31 мамыр – Қазақстан тарихының ең қайғылы беттерінің бірі – миллиондаған адамдардың өліміне әкелген жаппай саяси қуғын-сүргін мен ашаршылықты еске алу күні.
Тәуелсіздікке қол жеткізгеннен кейін осы қайғылы жағдайдың құрбандарын еске алу мақсатында мемлекеттік деңгейде шаралар қолға алынды. 1993 жылы "Жаппай саяси қуғын-сүргін құрбандарын ақтау туралы" Заң қабылданды.
Мәтіннен қате тапсаңыз, бізге жазыңыз
