Бауырлас Әзербайжан елімен сауда байланысымыз бекем. Биыл қаңтар-тамыз айларында, арадағы тауар айналымының көрсеткіші 343,3 миллион доллар болды. Негізінен қазақстандық экспорт басым. Әзербайжанға жөнелтілген тауарлар құны 290 млн доллардан асады. Ал Қазақстанға келген импорт көлемі 52,5 млн доллар шамасында.
Әзербайжанға жөнелтілген тауарлардың басында бидай тұр. Оған қоса, мұнай, күріш, арпа өнімдері экспортталған.
Импортталған тауарлар қатарында турбо-реактивті қозғалтқыштар, газ турбиналары, құбырлар, этилен полимерлері мен азық-түлік өнімдері бар.
