Халықаралық World Boxing федерациясы әлемнің үздік боксшыларының алғашқы рейтингін жариялады. Жаңартылған тізімде қазақстандық жеті боксшы көш бастады, деп хабарлайды KAZ.NUR.KZ.
Назым Қызайбай (48 келіге дейін), Аида Әбікеева (65 келіге дейін), Наталья Богданова (70 келіге дейін), Санжар Тәшкенбай (50 келіге дейін), Махмұд Сабырхан (55 келіге дейін), Төрехан Сабырхан (70 келіге дейін) және Айбек Оралбай (90 келіден жоғары) өз салмақ дәрежелерінде бірінші орынға ие болды.
Сондай-ақ Алуа Балқыбекова (51 келіге дейін, 2-орын), Виктория Графеева (60 келіге дейін, 3-орын), Елдана Тәліпова (80 келіден жоғары, 3-орын) және Нұрбек Оралбай (80 келіге дейін, 2-орын) үздік үштікке енді.
Еске сала кетейік, рейтингтік ұпайлар 2024 жылы өткен Олимпиада ойындарының, әлем чемпионатының, Әлем кубогы кезеңдерінің және World Boxing Challenge турнирлерінің нәтижелері бойынша беріледі.
Мәтіннен қате тапсаңыз, бізге жазыңыз
