Қазақстандық спортшылар Италияда өткен ITF таэквондо бойынша әлем чемпионатында 39 медаль жеңіп алды.
10 алтын, 10 күміс және 19 қола медальды қанжығалап қайтты. Жалпы командалық есепте 60-қа жуық елдің ішінде 5-орынды иеленді. Бұл ұлттық құрама үшін үлкен жетістік дейді қауымдастық басшылары. Сонымен қатар Қазақстан 2029 жылы өтетін ITF Таэквондо әлем чемпионатын өткізу құқығына ие болды.
ITF таэквондо бойынша XXIII әлем чемпионаты Италияның Йезоло қаласында 3-13 қазан аралығада өтті. Осы жарыс ағайынды Азамат пен Бексұлтан Көптілеу үшін табысты болды. Екеуі де әлем чемпионы атанды. ITF таэквондоға әкесі балаларын 5-6 жасында алып келген. Содан бері ағайындылар тынбай осы спорт түрімен айналысып келеді. Азамат бұған дейін талай додада топ жарған.
Азамат Көптілеу, ITF таэквондо бойынша әлем чемпионы:
- Италияда өзімді алғашқы рет 18 жаста ерлер арасында дебютім болды. Сол дебютта өзімді жарық көрсетіп Италияда бірінші орынға ие болды. 1420 аң алғашқы сезім еңбегіміздің ақталғаны, әке шешенің үміті ақталды және бапкерімнің үміті ақталды.
Азаматтың інісі Бексұлтан да өзге спортшылар сияқты жарыстан орала салысымен қайта жаттығуға кірісіп кеткен. «Себебі алда жоғары деңгейді талап ететін ойындар күтіп тұр. Ең бастысы спортшыда тәртіп, күш-жігер болуы керек, сонда ғана мақсатыңа жетесің», дейді.
Бексұлтан Көптілеу, ITF таэквондо бойынша әлем чемпионы:
- Ол жерде көптеген елдер болғандықтан чемпионат мира болғандықтан өте қиын болады. Келесі жылы бізде Грецияда жарыс өтеді және 27-жылы Қытайда тағы бір чемпионат мира өтеді содан тағы бірінші орын алып двухкратный чемпион болып атақты алғым келіп тұр.
Байрақты бәсекеде Қазақстан атынан 72 таэквондошы өнер көрсеткен. Олар әртүлі жас санаты бойынша жекелей және командалық спарринг, формалды жаттығулар, өзін өзі қорғау, арнайы техника және күштік сын бойынша бақ сынап, 39 медаль жеңіп алды.
Ерлан Исекешов, Қазақстан таэквондо ITF қауымдастығының президенті:
- Әлем чемпионаты таэквондошылар үшін ең жоғары жетістік. Сондықтан бұл жарыс біз үшін өте маңызды. Екі жыл бойы өте қызу дайындалдық. Оған ұжым болып атсалыстық. Тыңғылықты жаттығудың нәтижесінде осындай жетістікке жетіп отырмыз. Осыдан екі жыл бұрын әлем чемпионаты Астанада өткен.
Ол кезде біз командалық есепте 4-орын алғанбыз. Енді біздің жауапкершілігіміз бұрынғыдан да арта түсті. Келесі ITF таэквондо бойынша әлем чемпионаты Қытайда, одан кейін біздің елімізде осы Алматы қаласында өтеді.
Қазақстан 2029 жылы өтетін ITF Таэквондо әлем чемпионатын өткізу құқығына ие болды. Бұл шешім Италияда өткен әлем чемпионаты аясындағы Таэквондо халықаралық федерациясының конгресінде қабылданды.
Қарлығаш Қайыпбекова, Айдос Қалиев
