АҚШ президенті Дональд Трамп жұмада Украина президенті Владимир Зеленскийді Ақ үйде қабылдады, — деп хабарлайды Massaget.kz тілшісі Euronews-ке сілтеме жасап.
АҚШ президенті Владимир Путинмен телефон арқылы сөйлескеннен кейінгі келесі күні украиналық әріптесін қабылдады.
Кездесудің басты тақырыптарының бірі Киевке алыс қашықта ұшатын "томагавк" қанатты зымырандарын сату мүмкіндігі болды. Украин тараптың айтуынша, бұл қарулар Ресейдің әскери агрессиясына тойтарыс беру үшін аса қажет.
Ақ үйдегі кездесу президент Трамп пен Ресей президенті Владимир Путин арасындағы ұзақ телефон әңгімесінен кейінгі келесі күні өтті.
Кейінгі күндері АҚШ президенті Путиннің "мұндай қадам АҚШ пен Ресей арасындағы қатынастарды одан әрі ушықтырады" деген ескертулеріне қарамастан, Украинаға "томагавктар" сатуға даяр екенін көрсеткен еді.
Алайда бейсенбіде Путинмен телефон арқылы сөйлескеннен кейін Трамп Украинаның бұл зымырандарға қол жеткізу перспективасын бәсеңдете сөйлегендей болды. Бұл қарулардың ұшу қашықтығы шамамен 1600 шақырым.
"Украинаға "томагавктар", өзге де қарулар керек, оған Еуроодақ төлеп келеді, бірақ біз бұл соғыстың аяқталғанын қалаймыз", — деді Трамп.
Трамп — Соғыс "томагавктарсыз" аяқталғанын жөн көреміз".
Трамп "томагавктарды" "өте қауіпті қару" деп атап, олардың Ресей мен Украина арасындағы қақтығысты "эскалациялау қаупін" тудыратынын айтты.
Сонымен қатар, АҚШ президенті Вашингтоннан Киевке жеткізіліп жатқан "томагавк" зымырандары мен кейбір басқа қарулар орнына басқа нәрсе қажет екенін мәлімдеді. Владимир Зеленский америкалықтарға айырбас ретінде украин дрондарын ұсынды. Трамп АҚШ украин дрондарын сатып алуға қызығушылық танытқанын айтты.
Будапешттегі саммит: "Зеленский байланыста болады"
"Меніңше, президент Путин бұл соғысты аяқтағысы келеді", — деді АҚШ президенті Зеленскиймен келіссөздер алдында журналистерге.
Украина президенті бұл пікірмен келіспеді, бірақ Газа секторындағы атысты тоқтату Трампқа Ресейді тоқтатуға "серпін" берді деп мәлімдеді.
Трамп пен Путиннің Будапештегі мүмкін болар кездесуі
Бұған дейін Дональд Трамп Владимир Путинмен келіссөздерден кейін Будапеште кездесу өткізуді жоспарлап отырғанын мәлімдеген еді. Жұмада ол бұл кездесудің "қос тарапты" болуы мүмкін екенін, яғни Зеленскиймен де байланыс орнатылатынын айтты.
АҚШ президенті адам өмірін сақтауды басты міндеті деп атап, өз саяси қызметінде бірнеше халықаралық дағдарысты бейбіт жолмен шешкенін айтты. Оның сөзінше, Украинадағы соғысты тоқтату оның бейбітшілік орнатудағы тоғызыншы жетістігі болуы мүмкін.
Аптаның басты оқиғалары мен пайдалы видеоларды көру үшін YouTube арнамызға жазылыңыз
