92 жастағы дәрігер Джон Левин 37 жастағы жұбайы Яньин Лудан бала сүйді. Былтыр олардың Гэбби атты ұлы дүниеге келген. Австралиялық жұп тағы да сәбилі болуға ниетті .
Гэбби ЭКО арқылы туған, Джон Левиннің үшінші баласы. Ал үлкен ұлы Грег 65 жасында ауырып қайтыс болған. Ұзақ жыл бірге тұрған әйелінің өлімінен кейін қария қытай тілін үйрену үшін Яньин Лудан сабақ ала бастаған. Осылай табысып кеткен ерлі-зайыпты 2024 жылы Лас-Вегаста неке қиған.
Лудың сөзінше, күйеуін көп адам Гэббидің атасы деп қабылдайды.
«Әкесі екенін айтып түсіндіргенде, адамдар таңданысын жасырмайды. Бастысы біз таңдауымызға өкінбейміз, ал басқалардың сезіміне жауап бере алмаймыз», – дейді ол.
Дәрігер Левин, қартаюға қарсы медицина саласының маманы, өзін-өзі емдеумен айналысады, аптасына екі рет спортзалға барады. Ол жас күйінде қалу үшін вегетариандық диетаны ұстанады, ішімдік ішпейді, темекі шекпейді, жұмысқа жаяу барады және түске дейін тамақтанбайды.
Ол 113 жасқа дейін өмір сүріп, кішкентай ұлының ержеткенін көргісі келеді.
