Компания тікелей эфирлерге де бақылауды күшейткенін мәлімдеді.
TikTok 2025 жылдың сәуір-маусым айлары аралығында қауымдастық ережелерін бұзған 189 миллионнан астам видеоны платформадан өшіргенін мәлімдеді. Бұл туралы компания өзінің қауымдастық нұсқаулықтарының орындалуы туралы есепте хабарлады, деп жазады inbusiness.kz сайты.
Мәліметке сәйкес, видеолардың 99%-дан астамы қолданушыларға ескертілместен, ал 90%-ы ешкім көрмей тұрып жойылған. Пайдаланушылар шағымданған контенттің 80,6%-ы орта есеппен екі сағат ішіндеплатформадан алынған.
Түркия аумағында осы кезеңде 4,4 миллионнан астам видео өшірілген. Оның 99,4%-ы ескертусіз, ал 97%-ы тәулік ішінде жойылған.
Компания тікелей эфирлерге де бақылауды күшейткенін мәлімдеді. Екінші тоқсанда 36 миллионнан астам тікелей эфир қауымдастық ережелерін бұзғаны үшін тоқтатылған. Бұл өткен тоқсанмен салыстырғанда шамамен екі есе көп.
TikTok мәліметінше, өшірілген видеолардың 30,6%-ы әдепке сай емес, ал 30,5%-ы жарнамалық немесе сауда мақсатында болған.
Жасөспірімдердің цифрлық қауіпсіздігін қамтамасыз ету аясында жойылған контенттің 94,4%-ы ешкім көрмей тұрып өшірілген. Сонымен қатар, 13 жасқа толмаған қолданушылардың 25 миллионнан астам аккаунтыбұғатталды.
Ал жарнама саясатын бұзғандар бойынша тексеріс кезінде 8 миллионнан астам материал платформадан алынып тасталды.
