Қаланың қарқынды дамуы мен демографиялық өсіміне байланысты осындай шешім қабылданды.
Әкімдіктің ресми өкілі Сәрсен Құранбектің айтуынша, екі жыл бұрын бекітілген бас құжатқа әуежайдың жаңа ұшу-қону жолағы енгізілмеген. Одан бөлек үйлерді көгілдір отынмен толық қамту үшін қосымша газ тарату станциялары салынады. Бұл нысандар жоспарда көрсетілуі тиіс. Қаланы селден қорғап, қауіпсіздікті қамтамасыз ететін жаңа нысандарды да енгізу қажет, дейді мамандар. Өңірде жер бедерінің бұзылуына байланысты қауіпті 13 учаске анықталды. Төлқұжатқа сәйкес, тағы 933 мың шаршы метр аумақты су басу қаупі бар. Онда 1500-ден астам адам тұрады.
Сәрсен Құранбек, қала әкімінің орынбасары:
- Қала әкімдігі бұл аумақтарды бас жоспарға қосылуы тиіс деп санайды. Болашақта бұл аумақтарда құрылыстың жүруіне тыйым салады. Бас жоспар кез келген қауіпті жағдайлардың барлығын ескеруі керек.
