Алматы әуежайында жанармай таситын көлік тұрақтан шығып бара жатқан кезде ұшақтың қозғалтқышын зақымдады. Алайда оған қарамастан әуе кемесіне ұшуға рұқсат етілді, деп хабарлайды KAZ.NUR.KZ.
Әуежай баспасөз қызметінің хабарлауынша, оқиға 13 қазан күні шамамен сағат 01:25-те, әуе кемесіне жанармай құю аяқталған соң болған. Инженерлік қызмет тексерісі кезінде ұшақ қозғалтқышының қаптамасында ұсақ беткі сызаттар анықталған.
Қажетті техникалық тексерістерден кейін ұшақтың ұшуға рұқсат етілді. Қазір әуежайдың ұшу қауіпсіздігі департаменті оқиғаның мән-жайын анықтау үшін егжей-тегжейлі тексеру жүргізіп жатыр.
"Жолаушылар мен экипажға келтірілген қолайсыздықтар үшін кешірім сұраймыз. Әуежай жұмысының қауіпсіздігі мен сенімділігі – біздің басты басымдығымыз", — делінген баспасөз қызметінің хабарламасында.
Мәтіннен қате тапсаңыз, бізге жазыңыз
