Ирактың Эрбиль қаласында шахмат сайысынан өткен Азия чемпионатында 75 жастағы жерлесіміз Марат Пріметов чемпион атанды, деп жазады Egemen.kz.
Азия чемпионатына қатысушылар екі жас санаты бойынша бақ сынады. Классикалық шахмат үлгісінен сынға түскен алматылық зейнеткер 65 жастан асқан қатысушылардың ішінде топ жарды. Әр санаттағы жарыс регламенті 9 турдан тұратын швейцариялық жүйемен өрбіді. Уақыт бақылау әр ойыншыға партияға 90 минут және әр жүрістен кейін 30 секунд қосымша уақыт берілді.
65 жастан асқандар сайысына 17 шахматшы қатысты. Алматылық шахматшы 4-турдан бастап көш басына шығып, барлық қарсыластарын айқын ұтты. Күміс медаль ирандық Хоссейн Арьянежадқабұйырса, қола жүлдені камбоджалық РэндольфШэйн олжалады.
Азия чемпионы атанып, халықаралық мастер (IM) атағына ие болған Марат Примбетов енді әлем чемпионатына (33th World Senior ChessChampionships 2025) қатысады. Жаһандық жарыс 25 қазанда Италияның Галлиполи қаласында басталады.
