Рыбакина ширек финал жолдамасына таласады.
АҚШ-тың Цинциннати қаласында теннистен WTA 1000 санатындағы турнир өтіп жатыр. Қазақстандық Елена Рыбакина бельгиялық Элизе Мертенсті жеңіп, төртінші айналымға шықты. Енді ол жергілікті Мэдисон Кизбен кездеседі. АҚШ-тағы теннис турнирі 18 тамызға дейін жалғасады.
Чемпиондар лигасы: «Қайрат» плей-оффқа шықты
«Қайрат» плей-оффқа шықты. Алматылық клуб Чемпиондар Лигасының іріктеу кезеңі аясында тағы да тарихи нәтиже тіркеді. Олар Словакияның «Слован» клубынан басым түсті. «Қайрат» пен «Слован» алдымен Алматыда жолығып, алаң иелері 1:0 есбімен жеңіске жетті. Ал Братислава қаласында өткен қарымта мачт тағы да 1:0 есебімен аяқталды. Бұл жолы жергілікті команда басым болды. Сонымен, қос ойын қорытындысы бойынша екеуі тең түсіп, қосымша уақыт белгіленді. Ол жерде де нәтиже өзгермеді. Ал матч соңындағы пенальтилер сериясында «Қайраттың» жолы болды. Осылайша Рафаэль Уразбахтин шәкіттері Чемпиондар Лигасының плей-офф кезеңіне жоладма алды. «Қайрат» алғаш рет осындай жетістікке жетіп отыр. Тағы бір айта кетерлігі осы жетістігі үшін алмтылық клубқа УЕФА тарапынан 4 млн 290 мың еуро көлемінде сыйақы беріледі. Ұлттық валютаға шаққанда 2 млрд 690 млн теңгені құрайды. Қазақстандық клубтың келесі қарсыласы да белгілі. Енді Шотландияның «Селтик» командасымен өзара мықтыны анықтайды. Алғашқы матч 19 тамызда сырт алаңда, яғни Глазго қаласында болады. Ал қарымта ойын 26 тамызда Алматыда ұйымдастырылады.
Сұрмергендердің Азия чемпионаты өтеді
Азияда бәсекеге қабілетті екенімізді дәлелдеп, ел абыройын асқақтатуымыз керек. Отандық сұрмергендерді жаттықтыратын Ольга Давгун құрлықтық жарыс алдында осындай мәлімдеме жасады. Айта кетейік, алдағы сенбі күні Шымкентте спорттық ату түрлері бойынша Азия чемпионаты басталады. Оған 29 елден 800-ге жуық қатысушы тіркелді. Жарыс 2 олимпиадалық бағыт бойынша болады. Яғни, ашық аспан астында стенд ату және жабық спорт кешенінде оқпен ату бәсекелері ұйымдастырылады. 3 бірдей жас деңгейі қамтылған. Жасөспірімдер, жастар және ересектер өзара мықтыны анықтайды. Қазақстан құрамасы барлық санатта бақ сынайды. Ел намысын қорғайтын қыз-жігіттер арнайы жаттығу жиынын өткізді және алдағы жарыста жоғары нәтиже тіркеді көздеп отыр.
Ольга Давгун, ұлттық құраманың бас бапкері:
- Біздің басты мақсат – Азия құрлығында Қазақстан құрамасының бәсекеге қабілеттілігін арттыру және осы позицияны мықтап бекіту. Сонымен қатар, жеке және командалық есепте жүлделі орындарға таласуды көздеп отырмыз. Бұл тек спорттық нәтиже үшін емес, еліміздің абыройын биіктету үшін де аса маңызды.
Күрес түрлерінен Әлем чемпионатына дайындық
Ризабек пен Нұрқожа екі дүркін әлем чемпионы атана алады. Тура бір айдан кейін Хорватияның Загреб қаласында күрес түрлерінен ересектер арасындағы әлем чемпионаты өтеді. Оған қатысатын ұлттық құарма жасқаталып, ресми тізімі жарияланды. Атап айтқанда, 57 келіде Әділет Әлмұхамедов, 61 келіде Асылжан Есенгелді, 65 келіде Начын Куулар, 70 келіде Нұрқожа Қайпанов белдеседі. 74 келіде Әлібек Әбілқасым, 79 келіде Болат Сақаев, 86 келіде Азамат Дәулетбеков, 92 келіде Камил Куруглиев, 97 келіде Ризабек Айтмұхан, ал 125 келіде Әлішер Ерғали боз кілемге шығады. Мадияр Құрамысов баптайтын жігіттер қазір Грузияда жаттығу жиынын өткізіп жаптыр. Әлем чемпионатының өзі 13 қыркүйекта басталып, 21 қыркүйекке дейін жалғасады.
