« Болашақ » шахтасының үш жұмысшысы күйіп қалды.
Оқыс оқиға 2025 жылғы 26 мамыр күні шамамен 22:30-да болған. Алдын ала мәлімет бойынша өндіріс орнында сутегі газы таралып, тұтанған. Оқиға кезінде кезекші электрослесарьлар жабдық орнатып жатқан. Олардың беті мен қолының саусақтары күйіп қалған. Қазір күйік шалған азаматтар Хромтау аудандық ауруханасында ем алып жатыр. Екеуінің жағдайы ауыр.
Ерлан Сұлтангереев, Ақтөбе облыстық денсаулық сақтау басқармасының басшысы:
- Екі науқас ауыр жағдайда жансақтау бөлімінде жатыр, үшінші науқас травматология бөліміне жатқызылып, оның жағдайы орташа ауыр деп бағалануда. Науқастар қажетті емнің толық көлемін алуда және бақылауда. Бүкіл дәрі-дәрмек пен қажетті жабдықтар толығымен қамтамасыз етілген.
