Абай облысы Семей қаласының әкімі болып Әділет Қожанбаев сайланды. Бұл туралы Семей қаласының аумақтық сайлау комиссиясына сілтеме жасаған KAZ.NUR.KZ хабарлайды.
Аумақтық сайлау комиссиясының мәліметінше, 2025 жылдың 12 қазанда Абай облысы Семей қаласының әкімінің сайлауы өткен.
Сайлаушылар тізіміне сайлау округі бойынша 220 761 азамат енгізілген, олардың 118 553-і дауыс берген. Жарамсыз бюллетеньдер саны – 2482, "Барлығына қарсымын" жолында белгісі бар – 4310.
Әр кандидат үшін берілген дауыстар саны:
- Бекжасаров А.Қ. – 9763;
- Қожанбаев Ә.Н. – 89441;
- Төлеуов Қ.М. – 12 557.
Семей қаласының әкімін сайлау қорытындысы бойынша қала әкімі болып Қожанбаев Әділет Нұрсағатұлы сайланған.
Әділет Қожанбаев 1980 жылы дүниеге келген. Ол бұған дейін Абай облысы Көкпекті ауданының әкімі болған.
Мәтіннен қате тапсаңыз, бізге жазыңыз
