Баян Алагөзованың қызы Айсәуле Бақытбек "Zamandas" подкастында әкесімен қарым-қатынасы туралы айтты.
Бұл туралы Caravan.kz медиа порталы хабарлайды.
Блогер ата-анасымен болған жағдайдан кейін де әкесімен ешқашан қарым-қатынасын үзбегенін айтты.
«Біз онымен осы уақытқа дейін байланыста болып келдік. Анама ауруханаға, ал әкеме түрмеге баратынмын. Әкеммен араласамын десем, қазір адамдар «анаңды өлтірмек болған әкеңді қолдайсың ба» деп шығуы мүмкін. Әрине жоқ. Бірақ оның немерелерімен қарым-қатынасын үзуге хақым жоқ. Әкем өмір бойы мен үшін жақсы әке болды. Қазір балаларым «аташка Бақытбек» деп оған жүгірген кезде мен оған қуанамын. Іштей оны түсінбеген шығармын, бірақ оны қазбалауды қойдым. Мен үлкен адамды өзгерте алмаймын, бірақ оны қабылдай аламын. Оның қазір жағдайы жоқ. Анам өте мейірімді жан. Ол әрдайым «әкелеріңмен араласыңдар» дейді. Қазір осындай баланста жүрмін», — деді Айсәуле Бақытбек.
