Нысан құрылысына Арнаулы мемлекеттік қордан шамамен 190 млн теңге бөлінді. Маржанбұлақ ауылында ашылған медициналық мекеме 45 адамға шақталған.
Әлеуметтік нысан қажетті заманауи құрал-жабдықтармен толық қамтылды. Ғимаратта науқастарды қабылдауға арналған кабинеттер, емдеу және қарау бөлмелері бар.
Емхана құрылысы “Ауылда денсаулық сақтауды жаңғырту” ұлттық жобасы шеңберінде жүрді. Жалпы өңірде қайтарылған активтер қаражаты есебінен 11 жоба жүзеге асып жатыр. Бүгінге дейін төрт ғимараттың құрылысы аяқталды.
