Газа секторында жарты миллионнан астам адам аштыққа ұшыраған .
Денсаулық сақтау органдарының дерегінше, кейінгі екі жыл ішінде аштық пен тамақтанудың жетіспеушілігінен 460 адам көз жұмған. Олардың 154-і балалар. Қазіргі таңда бес жасқа дейінгі 51 мыңнан астам бала ауыр дәрежедегі тамақ жетіспеушілігіне шалдыққан. Балаларға арналған екпе науқандары да тоқтап қалды. Бүгінде балалардың вакцина алу деңгейі 80 пайызға дейін төмендеген. Бұл жағдай түрлі аурулардың таралуына себеп болып отыр. Ал жалпы қақтығыс басталғалы бері Газа секторындағы 92 пайыз тұрғын үй зақымданған. Сондай-ақ 1,9 млн адам соғыс кезінде өз үйлерін тастап кетуге мәжбүр болған. Олардың көбі бірнеше мәрте қоныс аударған. Ал кейбірі тіпті 10 реттен артық көшкен.
