Алдағы күндері еліміздің солтүстік, орталық және шығысында күн суытады, деп хабарлайды "Қазгидромет" РМК-ға сілтеме жасаған KAZ.NUR.KZ.
Синоптиктердің болжамынша, алдағы күндері Қазақстанның көптеген өңірінде солтүстік-батыс антициклонының әсерінен жауын-шашынсыз, ашық ауа райы сақталады.
Тек республиканың солтүстігі мен шығысында атмосфералық фронттардың өтуіне байланысты жауын-шашын (жаңбыр, қар) күтіледі.
Ел аумағында жел күшейіп, тұман түсіп, оңтүстік-батыста және оңтүстікте шаңды дауыл тұруы мүмкін.
Түнгі уақытта солтүстік және орталық өңірлерде ауа температурасы -1...-7 градусқа дейін төмендейді, ал күндіз 4-16 градус жылы болады.
Шығыс өңірлерде түнде ауа температурасы -5...-13 градусқа дейін төмендеп, күндіз 3-11 градус жылы болады деп күтіледі.
Қалған аумақтарда ауа температурасының біртіндеп жоғарылауы болжанады.
Мәтіннен қате тапсаңыз, бізге жазыңыз
