Астанада өтіп жатқан Digital Bridge 2025 форумында Telegram желісінің негізін қалаушы Павел Дуров Қазақстанмен бірлескен жобаның іске қосылғанын хабарлады. Зертхана ЭКСПО аумағындағы Alem AI орталығында орналасқан, деп хабарлайды Ақорда.
"Бір жыл бұрын біз Қазақстанда алғашқы аймақтық кеңсемізді аштық және оның нәтижелеріне ризамыз. Ал бүгін Alem.ai ғимаратында мамандандырылған жасанды интеллект зертханасын ашып жатқанымызды қуана хабарлаймын. Ең алдымен, біз Қазақстанның ЖИ министрлігі ісқа қосқан қазақстандық суперкомпьютер кластері мен Telegram арасындағы бірлескен жобаны жүзеге асырып жатырмыз. Аталған технология миллиардтаған адамға ЖИ функциясын құпиясын сақтай отырып, таза және тиімді пайдалануға мүмкіндік береді. Қазақстандық суперкомпьютер кластері осы желі үшін есептеу қуатының бірінші ірі жеткізушісі болады деп үміттенеміз", — деді Павел Дуров.
Мәтіннен қате тапсаңыз, бізге жазыңыз
