Шешенстан басшысы Рамзан Қадыровқа Шешенстан Республикасының Батыры атағы берілді. Бұл туралы РБК басылымына сілтеме жасаған KAZ.NUR.KZ хабарлайды.
Рамзан Қадыров Шешенстан Республикасының Батыры атағына ие болды. Басылымның ақпаратына сәйкес, оған "Шешен Республикасы Батырының Алтын Жұлдызы" медалі берілген. Бұл туралы өңірлік үкіметтің міндетін атқарушы Магомед Даудов хабарлады.
Жарлыққа сәйкес, Қадыров бұл жоғары марапатқа ел алдындағы ерекше еңбегі, халқына адалдығы, жеке батырлығы мен мемлекеттік және қоғамдық істердегі көпжылдық жанқиярлық қызметі үшін, сондай-ақ Шешенстанның әлеуметтік-экономикалық әлеуетін дамыту мен нығайтуға қосқан үлесі үшін лайық деп танылған.
Мәтіннен қате тапсаңыз, бізге жазыңыз
