Алматыда 18 жастағы қызды зорлау ісі қоғамның ашуын туғызды. Жасөспірім кеше кешкісін жоғалып кеткен: шамамен 23: 00-де туыстарына көмек сұрап хабарлама жіберген соң, байланысқа шықпаған, кейіннен оны тапқан, деп хабарлайды Skifnews.kz ақпарт порталы.
«НеМолчи» қорының мәліметінше, қызды бұрын қырындап жүрген танысы көлігіне отырғызып әкетіп, зорлаған.
Жақындарының айтуынша, оқиға болғаннан кейін зардап шегушіні бірнеше сағат бойы әр РОВД-ға сүйрелеп, ұзақ уақыт бойы тергеген. Тек прокурордың араласуынан кейін ғана іс ресми түрде тіркелген.
«Біз дереу сараптама жүргізуді және күдіктіні қамауға алуды талап етеміз. Ол такси жүргізушісі болып жұмыс істейді. Демек, Алматыдағы әрбір қыз оның көлігіне мінсе, қауіпке тап болуы мүмкін», – деді қор өкілдері.
Қалалық полиция департаменті күдіктінің ұсталғанын және қазір изоляторда отырғанын хабарлады. Медеу аудандық полициясы ҚК-нің тиісті бабы бойынша қылмыстық іс қозғаған. Тергеу жүріп жатыр.
Айта кетейік, бұған дейін Шымкентте таксист америкалық журналист Хоуп Лаудонға тиіскені үшін жазаланған болатын.
