Бүгін Іле ауданының Күрті ауылдық округінде тарихи оқиға орын алды, деп жазады inbusiness.kz сайты.
"Әлемдегі ең үлкен түйе керуені" Гиннес рекорды жобасы аясында Қазақстан алғаш рет әлемдік рекорд орнатады.
1000 түйеден құралған керуен 1 шақырым жолды жүріп өтіп, бұған дейінгі Қытайда тіркелген 365 түйелік көрсеткішті үш есеге асып түсті.
Шара Алматы облысы әкімдігінің қолдауымен және "Даулет-Бекет" компаниясының ұйымдастыруымен өтті.
Мақсат – ұлттық рухты жаңғырту, көшпелі мәдениетті дәріптеу және туризмді дамыту.
Алматы облысы әкімінің орынбасары Бақытұлы Бақытнұр:
"Мың түйеден құралған бұл керуен – халқымыздың ұлы мұрасын әлемге паш еткен тарихи оқиға".
Гиннес рекордтар кітабының өкілі Ричард Стэннинг те: "Мұндай ауқымды түйе керуенін алғаш рет көріп отырмын. Бұл – әлемдік қазына", – деп бағалады.
Бұл жетістік – Қазақстанның мәдениеті мен туризмін жаңа деңгейге көтеретін үлкен қадам!
