Үкімет басшысының орынбасары Қанат Бозымбаев таза көмір энергиясын дамыту қажеттілігі мен оны қаржыландыру мүмкіндіктеріне қатысты пікір білдірді.
Бұл туралы ол елордада өткен коммуналдық секторларды жаңғыртуға арналған форумда айтты.
Бозымбаевтың айтуынша, Мемлекет басшысы биылғы Жолдауында таза көмір генерациясын дамыту туралы нақты тапсырма берген. Оның пікірінше, бұл бағыт жаңа қарқынмен дамытылуы тиіс.
«Менің ойымша, көмір энергиясы (озық технологиялар арқылы) жаңа қарқынмен дамуы керек. Бұл ретте, Қытайдың да, біздің де қаржыландыруды қарастыруға болады», – деді ол.
Вице-премьер Қытайдың бұл салада мол тәжірибесі бар екенін атап өтті. Атап айтқанда, EPC-мердігерлер мен жабдық өндіруші жеке компаниялардың халықаралық жобаларға қатысу тәжірибесі де, қаржыландыру ресурстары да жеткілікті.
Сонымен бірге, Қазақстанның даму институттары да көмір энергетикасын қолдауға дайын екені айтылды. Қазір бұл бағытта отандық қаржыландыру көздерін қарастыру жұмыстары жүріп жатыр.
