2025 жылдың екінші тоқсанында Қазақстанда қара шай тұтыну жан басына шаққанда орта есеппен 307 граммды ғана құрайды.
Былтырғы кезеңмен салыстырғанда салыстырғанда 5% төмен, ал биылғы қаңтар-наурыздағы көрсеткіштен 7% аз.
Статистикаға сүйенсек, 14 жылдағы ең төменгі деңгей болып саналады, деп жазады inbusiness.kz сайты DataHUB_KZ телеграмм арнасына сілтеме жасап.
Соңғы 10 жылда қара шайдың тұтыну деңгейі біртіндеп азайып келеді. Мәселен, 2015 жылдың маусымынан бері көрсеткіш 44% төмендеген.
Сарапшылардың пікірінше, мұндай құлдырау тұрғындардың талғамының өзгеруімен байланысты. Одан басқа нарықта шайға балама ретінде ұсынылатын сусындардың да көбейгені басты себептердің бірі болып отыр.
Қара шайдың орнын жасыл шай басты деуге толық негіз жоқ. Ал кофе нарығында жағдай басқа: ресми деректер тек еритін кофеге қатысты болса да, соңғы жылдары оның тұтынуы тұрақты түрде өсіп келеді. Бұл қазақстандықтардың кофеге бет бұра бастағанын жанама түрде көрсетеді.
