Жаңа құрылғы RoboFalcon2 .0 деп аталады.
Қытайдың Солтүстік-Батыс политехникалық университетінің зерттеушілері құстың қанат қағу қимылдарын қайталап, өздігінен ұша алатын жаңа буын роботын таныстырды, деп хабарлайды Синьхуа.
Жаңа құрылғы RoboFalcon2.0 деп аталады. Ол құстар мен жарқанаттардың қанат қозғалысын имитациялап, басқарылатын ұшуды қайта баптауға мүмкіндік беретін арнайы механизм арқылы жұмыс істейді.
Science Advances журналында жарияланған зерттеуде RoboFalcon2.0-дің ұшатын омыртқалыларға тән "жайылу – қағу – жиылу" қозғалысын толықтай қайталай алатыны сипатталған. Мұндай қимыл әсіресе баяу ұшу, биіктікке көтерілу және қону кезінде тиімді.
Оқи отырыңыз: Қазақстанда курс сертификатының мәртебесі дипломмен теңестірілді
Ғалымдар осы ерекшелікті ескере отырып, қанат қозғалысын бір цикл ішінде үйлестіретін коникалық айналмалы механизмді жасап шығарған. Шынайы жағдайда жүргізілген сынақтар роботтың өздігінен ұшып, маневр жасауға қабілетті екенін көрсетті.
Зерттеушілердің айтуынша, бұл жаңалық құс қимылына негізделген жаңа биомиметикалық көлік түрлерін әзірлеуге жол ашпақ.
