Қазақстандық грек-рим күресінің шебері әлем чемпионатын жеңіспен бастады
Хорватия астанасы Загребте 13-21 қыркүйек аралығында күрес түрлерінен жылдың басты бәсекесі — әлем чемпионаты өтуде. Бүгін грек-рим күресінен сайыстар басталды.
Спортшыларымыз арасынан бозкілемге алғашқы болып шыққан Альмир Төлебаев іріктеуде алғашқы қарсыласы үндістандық Рахулды 7:1 есебімен жеңіп, 1/8 финалға шықты. Келесі қарсыласы молдовалық Михаил Брад.
Сондай-ақ бүгін Демеу Жадыраев (77 кг), Марлен Мукашев (55 кг), Әлімжан Сыздықов (130 кг) сынға түседі.
