Үкілеген үмітіміз Жәмилә Бақбергенова әлем чемпионатында күтпеген жерден жеңіліс тапты .
Загребте (Хорватия) әйелдер күресінен әлем чемпионатының кезекті жарыс күні жалғасуда. Бүгін бозкілемге Қазақстан құрамасынан бес спортшы шықты.
Тәжірибелі Жәмилә Бақбергенова (72 кг) 1/8 финалда қырғыз палуаны Нұрзат Нұртаеваға тартысты белдесуде жол берді. Негізгі уақыт 3:3 есебімен тең аяқталғанымен, қарсыласы ұпайларының артықшылығымен жеңіске жетті.
Өкінішке қарай, іріктеу кезеңінде Зейнеп Баянова (53 кг) Оңтүстік Корея спортшысы Се Ён Пактан, Тыныс Дүбек (62 кг) польшалық Алиса Новосадтан, ал Бейбіт Сейдуалы (68 кг) Хёнен Пактан (Оңтүстік Корея) жеңіліп қалды.
Егер осы қарсыластар финалға шықса, қазақстандық палуандар ертең жұбаныш белдесулерінде бақ сынайды. Сонымен қатар бүгін 50 кг салмақта күрескен Светлана Анкичева жұбаныш кезеңінде Елизавета Смирноваға (UWW) жол берді.
Ұлттық құраманың төрт спортшысы әлі де медаль үшін күресуге мүмкіндік сақтап отыр.
Айта кетейік, еркін күрестен Загребтегі әлем чемпионатында ерлер арасында сайыстар аяқталды. Құрамамыз әлем біріншілігінде тек екі қола медальмен шектелді.
