Ол сонымен қатар 25 мың АҚШ доллары көлемінде жүлде ұтып алды.
Гроссмейстер Бибісара Асаубаева Самарқандта (Өзбекстан) өткен беделді FIDE "Үлкен Швейцарка" турнирін триумфалды түрде аяқтады. Қазақстандық 21 жастағы шахматшы үшінші орын алып, өз есімін әлемдік шахмат тарихына жазды, деп хабарлайды inbusiness.kz сайты.
Федерация атап өткендей, бұл – әйелдер арасындағы "Үлкен Швейцарка" турнирлерінің бүкіл тарихындағы қазақстандық шахматшы қыздардың ең ірі жетістігі.
11-ші, яғни соңғы тур алдында ол 7,5 ұпай жинаған көшбасшылар — Екатерина Лагно (FIDE, 2505) мен Вайшали Рамешбабудың (Үндістан, 2452) ізбасарларының үштігіне енді. 7 ұпаймен Бибисара қытайлық Тань Чжунъи (2531) мен Сун Юйсиньмен (2409) үшінші орынды бөлісіп тұрған еді.
Асаубаеваның Украина шахматшысы Анна Музычукке (2535) қарсы шешуші партиясы тең аяқталып, оған 7,5 ұпаймен сенімді түрде үшінші орынға орнығуға мүмкіндік берді. Ол сонымен қатар 25 мың АҚШ доллары көлемінде жүлде ұтып алды.
Турнирде 8 ұпай жинаған Вайшали Рамешбабу жеңімпаз атанып, 2023 жылғы триумфтен кейін қайтадан жеңіс тұғырына көтерілді. Екінші орынды 8 ұпаймен Екатерина Лагно иеленсе, Бибисара Асаубаеваның қоласы қазақстандық жанкүйерлер үшін үлкен қуанышқа айналды.
FIDE Women’s Grand Swiss 2025 қорытындысы:
Вайшали Рамешбабу (Үндістан, 2452) — 8 ұпай ($40 000)
Екатерина Лагно (FIDE, 2505) — 8 ұпай ($31 000)
Бибисара Асаубаева (Қазақстан, 2505) — 7,5 ұпай ($25 000)
Тань Чжунъи (Қытай, 2531) — 7,5 ұпай ($21 000)
Сун Юйсинь (Қытай, 2409) — 7,5 ұпай ($18 000)
