Қостанай облысының Федоров ауданында 30 жастағы ер адам танысынан ірі көлемде ақша талап еткен. Қазір ол «Бопсалау» бабымен тергеуге алынды.
Тергеу деректеріне сәйкес, жәбірленушінің бұрынғы әйелі қазір күдіктінің жары болып отыр. Ал 11 жастағы ұлы өгей әкесімен бірге тұрады. Осыны пайдаланған күдікті түрлі сылтаулармен ақша талап еткен.
Шілде айында ол жәбірленушіні жол-көлік оқиғасына кінәлісің деп айыптап, 750 мың теңге алған. Кейін баласын полиция ұстады деген сылтаумен тағы 650 мың теңге талап еткен. Бұдан соң ер адам 1,5 миллион теңге әкелуді талап етіп, қоңыраулар шалып, жәбірленушіні бірнеше рет қалаға шақырған.
Қазіргі таңда күдікті қамауға алынып, іс бойынша барлық мән-жай тексеріліп жатыр
