Алматыда "Отандастар қоры" мен Оңтүстік Кореяның Шетелдегі корейлер істері жөніндегі агенттігі диаспорамен жұмыс бойынша меморандумға қол қойды .
Келісім агенттік тарапынан шетелдік ұйымдармен жасалған алғашқы халықаралық құжат болды, деп жазады inbusiness.kz сайты.
Құжат шетелдегі отандастарды қолдау, ұлттық бірегейлікті нығайту және жаңа бірлескен жобаларды жүзеге асыруға негіз қалайды.
Іс-шара аясында өткен ғылыми семинарда мәдени-гуманитарлық байланыстар мен диаспора әлеуетін арттыру мәселелері талқыланды.
