«Әлемнің діни дәстүрлерінің баға жетпес қазыналары». Осындай атаумен Астанадағы Ұлттық музейде 10 күн бойы көрме өтеді, деп хабарлайды 24kz.
Бұны ұйымдастырушылар мәдениет пен сенім әлеміне саяхатттау шарасына балап отыр. Сондай-ақ рухани-адамгершілік құндылықтарды дәріптеп, бейбітшілік пен үйлесімге үндейтін дүниелер ұсынылғанын жеткізді. Атап айтсақ, Құран, Інжіл, Тора, буддалық жазбалар, христиан иконалары мен ислам каллиграфиясы бар. Будда және индуизм мүсіндері, иудаизм рәміздері және ғибадат кезінде қолданылатын заттар әрі тұрмыстық бұйымдар қойылған. Көрменің мақсаты – дінаралық және мәдениаралық диалогты нығайту.
