Қазақстан Республикасы Парламенті Сенатының депутаты Ғалиасқар Сарыбаев Еуразиялық халықаралық зерттеулер қауымдастығы мен Қытай зерттеушілер қауымдастығы ұйымдастырған «ШЫҰ Тяньцзинь саммиті: Орталық Азияға арналған сабақ пен келешек туралы» конференциясына қатысты.
Конференция Шанхай Ынтымақтастық Ұйымының Тяньцзинь Саммитінің қорытындыларын талдауға және өңірдегі көпжақты өзара іс-қимылды одан әрі дамыту жөнінде ұсыныстар әзірлеуге арналды. Қатысушылар қабылданған шешімдер саяси диалогты нығайту, экономикалық интеграция және Орталық Азия елдері арасындағы гуманитарлық байланыстарды кеңейтуге жаңа мүмкіндіктер ашатынын атап өтті.
Суретті түсірген: А.Байжұманов.
Спикерлердің сөздерінде қазіргі заманғы сын-қатерге: өңірлік қауіпсіздікті қамтамасыз ету, көлік-логистикалық инфрақұрылымды дамыту, энергетикалық ынтымақтастық және цифрлық трансформацияға қарсы іс-қимылда бірлескен күш-жігерге ерекше назар аударылды.
«Бүгін бізге Тяньцзинь кездесуінің сабақтарын түсінумен қатар, мемлекеттеріміздің мүдделері мен басымдықтарын негізге ала отырып, бұдан былайғы ынтымақтастық бағыттарын айқындау маңызды. Орталық Азия өңірлік интеграцияны нығайтуда және тұтастай алғанда ШЫҰ-ны дамытуда негізгі буын болуы тиіс. ШЫҰ декларациясында көрсетілген негізгі мәселелер Қазақстан Республикасы Президентінің Жолдауында жалғасын тапты, онда негізгі стратегиялық басымдықтар – орнықты даму, технологиялық трансформация және өңірлік қауіпсіздік туралы айтылды», — деп атап өтті сенатор.
