Қазақстандық боксшы Төрехан Сабырхан Ливерпульде өтіп жатқан бокстан әлем чемпионатының алтын жүлдегері атанды. Осымен отандасымыз ел қоржынына бесінші алтынды түсірді, деп хабарлайды KAZ.NUR.KZ.
70 келіге дейінгі салмақта ел намысын қорғаған Төрехан Сабырхан финалда жапониялық Севон Окадзавамен қолғап түйістірді. Жекпе-жек төрешілер шешімімен қазақстандық боксшының жеңісімен аяқталды.
Отандасымыз әлем біріншілігінің чемпионы атанып, ел қоржынына бесінші алтын медальді түсірді.
Бұған дейін Назым Қызайбай күміс жүлдеге ие болса, Санжар Тәшкенбай мен Махмұд Сабырхан алтын медальді жеңіп алды. Алуа Балқыбекова финалда түркиялық қарсыласын жеңіп, әлем біріншілігінің екі дүркін чемпионы атанды.
Мәтіннен қате тапсаңыз, бізге жазыңыз
