Польша Ресей мен Беларусь шекарасына 40 мың сарбазын орналастырады .
Бұл туралы осы елдің Қорғаныс министрінің орынбасары Цезари Томчик хабарлады, деп жазады inbusiness.kz сайты.
Варшава барлық шекара бекеттерін жауып, 3 айға ұшуды шектеді. Кеше Польша Ресей дрондарының әуе кеңістігін бұзуына байланысты Қауіпсіздік Кеңесінің шұғыл отырысын шақыру туралы өтініш жасады.
Қазір БҰҰ-да жиынның нақты күні қарастырылып жатыр.
Бұған дейін 19 ресейлік дрон Польшаның әуе кеңістігін бұзып өтті. Олардың бір бөлігі атып түсірілген, осыдан кейін Польша мен НАТО авиациясы әуеге көтерілген. Бұл – Ресей Украинаға соғыс ашқалы бері НАТО елі аумағында ресейлік дрондардың алғаш рет атып түсірілуі.
