Абай облысында 5,6 млрд теңге көлеміндегі мемлекетке қайтарылған активтер медициналық нысандардың құрылысына жұмсалды. Президент тапсырмасымен арнаулы мемлекеттік қордан бөлінген қаражат өңірдегі инфрақұрылымды жақсартуға және медицина сапасын арттыруға бағытталған.
Мәселен, Үржар мен Аягөзде көпсалалы орталық аудандық ауруханаға қосымша корпус салынып, мекемелер заманауи техникамен қамтылады. Әлеуметтік нысандар жыл соңына дейін қолданысқа беріледі.
Айта кеткен жөн, бұған дейін Семейде жүз орындық медициналық-әлеуметтік психоневрология мекемесін салуға арнаулы мемлекеттік қордан 2,6 млрд теңге қаржы бөлінді. Одан бөлек, ел аумағында "Ауылда денсаулық сақтауды жаңғырту" ұлттық жобасы аясында 540 нысанның құрылысы аяқталды.
