Алматы облысы, Кеген ауданында облыс әкімі Марат Сұлтанғазиевтің қатысуымен «Кеген орман шаруашылығы» мекемесінің жаңа ғимараты ашылды.
Салтанатты шараға Алматы облысының әкімі Марат Сұлтанғазиев, Алматы облысы мәслихатының төрағасы Қуат Байғожаев, аудан әкімі Нұрбақыт Теңізбаев, облыстық басқарма басшылары , қоғамдық ұйым төрағалары мен БАҚ өкілдері, ардагерлер қатысты.
Алматы облысының әкімі Марат Сұлтанғазиев жаңа ғимараттың ашылу салтанатымен құттықтады. Сонымен қатар Тоғызбұлақ ауылының тұрғыны, Орман шаруашылығының ардагері Кенжебек Досайбеков ақсақал бата берді.
Жалпы ауданы 440,1 шаршы метр болатын екі қабатты кеңсеге Алматы облысы әкімдігінің қолдауымен 414 миллион теңге қаражат бөлініп, құрылысын «Тунус» ЖШС жүргізген. Бұған дейін мекеме 1946 жылы салынған ескі ғимаратта отырған еді.
