Оған дейін фильм 10 қазаннан бастап ЕуроОдақ елдерінде, содан соң Netflix платформасында ұсынылады.
Қазақстан мен Испанияның бірлескен жобасы – "Бітім" фильмін Қазақстан көрермендері 30 қазаннан бастап тамашалай алатыны белгілі болды.
Киноның түсіру тобы "Бітімнің" жергілікті постері мен трейлерін жариялады.
Еске салайық, "Бітім" тарихи драмасы – Қазақстан мен Испанияның бірлескен жобасы.
- Режиссёрі – Мигель Анхель Вивас ("Бумажный дом", "Похищенные", "Вымирание").
- Сценарий авторлары – Испания: Фран Карбаллал, Игнаси Рубио, Мигель Анхель Вивас. Қазақстан: Олжас Жанайдаров.
- Бас продюсері – Аманат Қонақбаев, Ерлан Бекқожин, продюсерлері – Дәурен Байғалиев пен Жарасхан Кульпиенов, атқарушы продюсерлері – Алия Далабаева мен Даир Каракеев.
Фильм оқиғасы 1937–1945 жылдары Қазақстанда, әлемнің түкпір-түкпірінен келген тұтқындар ұсталған ҚарЛАГ-та өрбиді. Дәл осы жерге испан республикашысы Тельмо Рейес (30 жаста) пен КСРО-ға қарсы соғысқан Испанияның Көк дивизиясының солдаты Сальгадо (28 жаста) түседі. Бөтен жерде бітіспес жаулар жолығады.
Лагерьге түскен соң, олар жергілікті өмірге бейімделуге тырысады. Фильмнің тағы бір кейіпкері – қазақ филологы, мұғалім Ораз Сәкенов (45 жаста), қазақ зиялыларының өкілі. Бұл – өткен дәуірдің қазақстандық патриоттарынан жинақталған бейне. Кітапқұмар, білімді Ораз тұтқындарға ақыл-кеңес беріп, олардың өмірін жеңілдетудің жолдарын іздейді. Лагерьде Сальгадо қазақ қызы Айсұлумен (26 жаста) танысады. Араларында романтикалы сезімдер пайда болады, алайда Айсұлуға отансүйгіштік борышы мен жүрек қалауынан таңдау жасау оңайға соқпайды. Қазақ халқының мейірімі мен төзімділігі арқасында миллиондаған адамдар Қазақстанды екінші Отаны деп таныды. Фильм өткеннің азабын жеңілдеткен халықтар достығы туралы және оны бүгінгі күні сақтап қалудың маңызын баяндайды.
Оқи отырыңыз:
Қазақстан мен Испания бірлесіп түсірген "Бітім" фильмі қазанда көрерменге жол тартады
