Жаңа Парламентте депутаттардың саны өзгеруі ықтимал.
Бұл туралы Сенат төрағасы Мәулен Әшімбаев айтты, деп хабарлайды inbusiness.kz сайты.
Жақында Мемлекет басшысы өз Жолдауында Сенаттың 30 жылда тарихи миссиясын абыроймен атқарып шыққанын айтқан болатын.
Мәулен Әшімбаев жаңа сападағы Парламент құрылатынына сенім білдірді.
"Қазір Сенат маңызды фукнцияларды атқарып келеді. Ұлттық Банк Төрағасын, Бас прокурорды, ҰҚК төрағасын тағайындауға келісім береді. Президент ұсынымы бойынша Жоғарғы Сот төрағасы мен судьяларды тағайындайды", – деді Сенат спикері тілшілердің сауалына берген жауабында.
Оның айтуынша, бір палаталы Парламентте қос палатаның өкілеттігі біріктірілуі мүмкін. Мәулен Әшімбаев депутаттар саны өзгеруі мүмкін деген нұсқаны да жоққа шығармады.
Айта кету керек, бұған дейін Сенат төрағасы бір палаталы Парламент туралы ойын айтқанын жазғанбыз.
