Бүгін Алматының әйгілі "Шымбұлақ" тау-шаңғы курортында аспалы жолы тоқтап қалып, кабинада қалған адамдарды арнайы альпинистік құрал-жабдықтың көмегімен түсіруге тура келген. Бұл туралы ТЖМ-ға сілме жасаған KAZ.NUR.KZ хабарлайды.
Ведомствоның мәліметінше, бүгін, 10 қыркүйекте теңіз деңгейінен 3200 метр биіктікте орналасқан "Шымбұлақ" тау-шаңғы курортында "Комби-2" аспалы жолы тоқтап қалған.
Алматы қаласы ТЖД құтқарушылары, ТЖМ РЖҚЖ және курорттың қызметкерлері шұғыл түрде көмекке жетіп, кабинада қалған 21 адамды альпинистік құрал-жабдықтың көмегімен түсірген.
Сондай-ақ Талғар асуында қалған шамамен 100 қонақты қауіпсіз жерге эвакуациялаған.
"Шымбұлақ" ТШК әкімшілігі күтіп қалған адамдарға ыстық сусындар мен жылынатын орындар ұсынған.
"Зардап шеккендер жоқ. Аспалы жол уақытша жұмыс істемейді – қалпына келтіру жұмыстары жүргізілуде", — делінген хабарламада.
Посмотреть эту публикацию в Instagram
Публикация от Алматы қаласы ТЖД құтқару қызметі (@112_almaty_rescue)
Мәтіннен қате тапсаңыз, бізге жазыңыз
