«Көкарал» бөгеті тағы екі метрге биіктейді. Арал ауданының тұрғындары мен су шаруашылығы мамандары, ғалымдар осындай ортақ тұжырымға келді.
Солтүстік Арал теңізін сақтап қалу жобасының екінші кезеңі жүзеге асқан жағдайда, теңіздің акваториясы ұлғайып, тұздылығы азаяды. Су айдыны аумағындағы табиғат түлеп, тіршілік жандана түседі. Балық аулау көлемі ұлғайып, экологиялық және экономикалық тиімділігі артады. Теңіз маңайындағы көлдер жүйесін де тіршілік нәрімен қамту тетіктері ескерілген. Президент Жолдауында, «Арал теңізін толтыру жұмыстары қарқынды жалағаса беруі тиіс»,-деген болатын.
Ғалымжан Еркебай, Табиғи ресурстар және табиғат пайдалануды реттеу басқармасының басшысы:
- Балтық теңізінің 42 метр биіктігінен 44 метр, екі метрге қосымша биіктету жөнінде тапсырма берілді. Осы жөнінде Су министрі халықпен кездесуде биіктігін 44 метрге дейін көтеру жөнінде дамбаны келісімге келді. Қазіргі таңда техника, экономикалық негіздеме жасалып, Су министрлігі жұмыс жүргізуде.
