Қазақстан мен Конгоның табиғи ресурстарды игеруде экономикалық мүмкіндігі мол. Кеңейтілген құрам отырысында Қасым-Жомарт Тоқаев әріптесіне осылай деді.
Ортақ жобаларды іске асыруда сенімді серіктес болуға үндеді. Президент Конгоның шикізат материалдары саласындағы әлеуетін жоғары бағалап, жаһандық жеткізу тізбегінде маңызды рөл атқаратынын атап өтті. Бұған мысал, әлемдегі кобальт өндірісінің 76 пайызы, мыстың 14, қалайының 8, ал, танталдың 42 пайызы және колтанның 40 пайызы Конгоға тиесілі. Сондай-ақ жоғары технологиялық салаларға қажетті басқа да стратегиялық минералдардың мол қоры бар. Қазір сол елде қазақстандық ERG компаниясы жұмыс істеп жатыр.
