Ірі кәсіпорындар салықтан жалтарғысы келген.
Мәжілісте "Дамушы елдерді ерекше ескере отырып, ең төмен жалақыны белгілеу туралы конвенцияны (131-конвенция) ратификациялау туралы" заң жобасы қаралды, деп хабарлайды inbusiness.kz сайты.
Құжатты Еңбек және халықты әлеуметтік қорғау министрі Светлана Жақыпова таныстырды.
"Қазақстан – 1993 жылдан бастап халықаралық еңбек ұйымының толыққанды мүшесі және осы ұйымның ережелерін сақтау мен халықаралық еңбек стандарттарын ұлттық заңнамаға кезең-кезеңмен енгізу бойынша міндеттеме алған. Бүгінгі таңда Қазақстан еңбек жағдайлары, еңбекті қорғау, әлеуметтік қорғаудың және әлеуметтік диалогтың негізгі мәселелерін қамтитын еңбек саласындағы халықаралық еңбек ұйымының 28 конвенциясын ратификациялады. Біз осы бағытта жүйелі және бірізді жұмыс жүргізудеміз", – деді министр Мәжіліс отырысында.
Оның айтуынша, 1970 жылы қабылданған және бүгінде халықаралық еңбек ұйымына мүше әлемнің 54 мемлекеті ратификациялаған ең төменгі жалақыны белгілеу туралы 131-інші конвенциясын ратификациялау ұсынылып отыр.
"Конвенция келесі жалпы қағидаттарды белгілейді: ең төменгі жалақы жүйесін енгізу, ең төменгі жалақыны белгілеу және қайта қарау кезінде әлеуметтік әріптестік тараптарының қатысуы, ең төменгі жалақыны анықтау кезінде экономикалық факторлар мен қызметкерлердің қажеттіліктерін есепке алу, еңбекақы төлеу саласындағы кемсітушілікке тыйым салу", – деді Светлана Жақыпова.
Министрдің сөзінше, республика бойынша 329 азамат 80 мыңнан төмен жалақы алып отыр. Тағы 780 мың азамат 85 мың теңге көлемінде алып отыр.
"Бұның ішінде бірнеше санат бар. Біріншіден, талдау жүргізгенде ірі кәсіпорындардың салықтан жалтару үшін, атаулы жарналардың төлемдерін азайту үшін 85 мыңды төлеп, басқасын конвертпен беретін. Негізі төлемдер ауыл шаруашылығында жұмыс істейтін азаматтардың ең төменгі жалақыны алып отырғаны мәлім", – деді ведомство басшысы.
