Елде 650 мыңнан астам адам тұрғын үй кезегін тұр. Қоныс-жайға қолы жетпеген қараша жалдамалы пәтерлерде жан бағуға мәжбүр. Себебі сол салада сұраныс жоғары, ал үй қат, бағасы қымбат. Бұқараны баспанамен қамту жайын биылғы құрылтайда мемлекет басшысы да баса айтқан еді. Қасым-Жомарт Тоқаев құрылысқа қарқын қосып, халыққа қолайлы ипотекалық бағдарламалар әзірлеуді тапсырған. Президент пәрмені қалай орындалуда? Бағдарлама ұжымы бағамдап көрді.
