"Қазақтелеком" АҚ Ақпараттық қауіпсіздік жөніндегі басқарушы директоры Дмитрий Тыртышный компанияның Шымкент пен Түркістандағы бөлімшесіне жұмыс сапарымен барды. Сапардың басты мақсаты – қызметкерлердің моральдық-психологиялық жай-күйін зерделеу, еңбек жағдайы мен жұмыс орындарының материалдық-техникалық жарақтауды бақылап, ұжымның өзекті мәселелері мен қажеттіліктерін анықтау болды.
Нысандарда болған кезінде Дмитрий Александрович жұмыс бөлмелерін мұқият қарап, гермозона мен бомбадан қорғайтын баспанаға бас сұқты, қызметкерлермен тікелей байланыс жүргізді. Мұндай тікелей байланыс басшыға нақты ахуалды көріп, ұжымдағы көңіл-күй туралы толық түсінік алуға мүмкіндік берді.
"Кез келген басшының мақсаты – алға қойған нәтижеге жету үшін ұжымда әлеуметтік тұрақтылықты қамтамасыз ету. Менің міндетім – әрбір қызметкерді тыңдап, туындаған мәселелерді одан әрі шешуде тиісті қолдау көрсету", — деп атап өтті Дмитрий Тыртышный.
Халқы тығыз орналасқандықтан абонент санының көптігімен ерекшеленетін Оңтүстік өңірдегі жұмыс ерекшеліктеріне баса назар аударылды. Бұл қызметкерлер жұмысының сапасы мен тиімділігіне жоғары талаптар қояды. Мұндай жағдайда ыңғайлы және қолайлы еңбек жағдайын жасау маңызды, бұл өнімділікке ғана емес, сонымен қатар жұмысқа қанағаттануға да ықпал етеді.
Сапар қорытындысы бойынша басшы Шымкент қаласының бөлімшелеріндегі жайлылық деңгейін, үй-жайлардың тазалығын және тұрмыстық талаптардың сақталуына оң баға берді. Сонымен қатар, ол қызметкерлердің қазіргі жұмыс жағдайларына ғана емес, сонымен қатар компанияның даму басымдықтары, технологиялық прогресс пен "Қазақтелекомның" болашағына деген қызығушылықтың маңызды аспектісін атап өтті. Бұл қызметкерлердің жоғары белсенділігі мен кәсіби өсуін көрсетеді.
Дмитрий Тыртышныйдың жұмыс сапары "Қазақтелеком" АҚ-ның Шымкенттегі бөлімшелерінде тиімді және тұрақты жұмыс істеу үшін барлық қажетті жағдай жасалып жатқанын, ал компания басшылығы өз қызметкерлерін қолдауға және олардың мүдделері мен қажеттіліктерін ескере отырып бизнесті дамытуға дайын екенін растады.
Мәтіннен қате тапсаңыз, бізге жазыңыз
